45 anos xuntos, deámoslle grazas a Deus!

45 anos xuntos, deámoslle grazas a Deus!

45 anos xuntos, deámoslle grazas a Deus!

02/08/2017

Queridos carballeses:

Esta semana cúmprense 45 anos da miña chegada a Carballo. Desde O día 3 de agosto de 1972 estou ao voso servizo .Toda unha vida. Deivos os mellores anos da vida e do sacerdocio co afán de servir. E vós déstesme  acollida e cariño, axuda e colaboración.

Cantas cousas fixemos xuntos! Non penso só nos acontecementos importantes e nas obras materiais: construción do Complexo parroquial, da Capela da Brea, do Santuario de San Cristovo, da recuperación do edificio do Centro Social San Xoán Bautista, da Capela da Milagrosa, das obras e programas de Cáritas…

Penso nas cousas normais de todos os días que forman a vida da parroquia: a convivencia e trato diario, os problemas, alegrías e sufrimentos de toda as familias…tantas horas adicadas á catequese… tantas celebracións da Misa e dos Sacramentos… Bautismos, Primeiras Comuñóns, acompañamento  no pasamento dos seres queridos….

ACCIÓN DE GRAZAS

Dou gracias a Deus noso Pai por todo, e por tantos xenerosos e leais colaboradores, que vindes adicando tempo, esforzo e axuda material as tarefas da Parroquia. Que Deus volo recompense.

Síntome feliz en Carballo. Aínda que non nacín aquí, síntome  carballés de corazón. Aquí enterrei aos meus pais, e aquí quero gastar o resto da miña vida e repousar. Reitero a miña dispoñibilidade para seguir servindo como sacerdote e axudarvos a vivir crstiamente.

RENOVADE A VIDA CRISTIÁ

Pero teño unha preocupación que me desacouga: o aloxamento e abandono da practica relixiosa dos nenos xa despois da primeira comuñón, dos mozos despois da confirmación, e o enfriamento da vida cristiá nas familias.

Por iso nesta data pídolle ao Señor e pídovos a vós queridos carballeses que renovemos a vida cristiá nas familias e veñades cos fillos e netos á Misa dominical: volvede a unha vida cristiá en familia e recibide os Sacramentos. Vinde… volvede… entrade… Renovade a vida cristiá!

Que o  Señor por intercesión de María nosa Nai, e do noso patró San Xoán Bautista   bendiga e recompense a todos.